அபுதாபியின் தங்கம் விற்பனை 70 சதவீதம் வரை குறைந்தது

அதிக விலை, பொருளாதார மந்த நிலை போன்ற காரணங்களால் அபுதாபியின் தங்கம் விற்பனை பிப்ரவரி மாதத்தில் 70 சதவீதம் வரை குறைந்திருக்கிறது. ஐக்கிய அரபு குடியரசின் தங்கம் மற்றும் தங்க நகை விற்பனையாளர்கள சங்க தலைவர் இதனை தெரிவித்தார். பொருளாதார மந்த நிலை காரணமாக, பங்கு சந்தைகள் கடும் வீழ்ச்சியை சந்தித்து வருவதால் முதலீட்டார்கள் பங்கு சந்தையிலோ அல்லது வேறு பொருட்கள் மீதோ முதலீடு செய்வதற்கு பதிலாக இப்போது தங்கத்தில் முதலீடு செய்யவே விரும்புகிறார்கள். இதனால் தங்கத்திற்கு டிமாண்ட் ஏற்பட்டு அதன் விலை உயர்ந்து விட்டது என்கிறார்கள். இதன் காரணமாக, சாதாரண மக்களுக்கு, தங்கம் ஒரு வாங்க முடியாத பொருளாக ஆகி விட்டது. தங்கத்தின் விலை முதலில் மோசமாகி, இப்போது மிக மோசமாகி விட்டது என்கிறார் துஷார் பட்னி என்ற வர்த்தகர். தங்கம் வாங்குவதை விட்டு மக்கள் தள்ளி போய் விட்டதால், பிப்ரவரி மாதத்தில் மட்டும் அபுதாபியில் தங்கத்தின் விற்பனை 70 சதவீதம் வரை குறைந்திருக்கிறது என்றார் அவர்.

நன்றி : தினமலர்