மேலும் 1,000 பேரை வேலை நீக்கம் செய்கிறது ஹார்லி - டேவிட்சன்

உலக அளவில் புகழ்பெற்ற பைக் தயாரிப்பாளரான அமெரிக்காவின் ஹார்லி - டேவிட்சன், விற்பனை மற்றும் லாபத்தில் பெரும் சரிவை சந்தித்திருக்கிறது. பெரும் செல்வந்தர்களால் மட்டுமே வாங்க கூடிய ஹார்லி - டேவிட்சன் பைக்கின் விற்பனை சமீப காலமாக குறைந்து விட்டது. அமெரிக்க மக்களிடையே வாங்கும் சக்தி குறைந்து போனதே இதற்கு காரணம் என்று சொல்லப்படுகிறது. இதன் காரணமாக கடந்த ஆண்டில் 222.8 மில்லியன் டாலரில் இருந்த அதன் நிகர லாபம், இந்த நிதி ஆண்டின் இரண்டாவது காலாண்டில் 19.8 மில்லியன் டாலராக குறைந்து விட்டது. கடந்த வருடத்தில் 1.57 பில்லியன் டாலருக்கு நடந்திருந்த அதன் அதன் மொத்த விற்பனையும், இந்த வருடத்தில் 1.15 பில்லியன் டாலராக குறைந்து விட்டது. இதன் காரணமாக அந்த நிறுவனம் அதன் ஊழியர்கள் எண்ணிக்கையில் மேலும் 1,000 பேரை குறைக்கிறது.

நன்றி : தினமலர்