பணவீக்கம் 12.63 சதவீதமாக உயர்ந்தது

ஆகஸ்ட் 9ம் தேதியுடன் முடிந்த வாரத்தில் இந்தியாவின் பணவீக்கம் 12.63 சதவீதமாக உயர்ந்திருக்கிறது. இது இதற்கு முந்தைய வாரத்தில் 12.44 சதவீதமாக இருந்தது. பழங்கள், காய்கறிகள், பால், டீ, பருப்பு வகைகள் போன்ற உணவுப்பொருட்கள் மற்றும் காட்டர் யார்ன், சிமென்ட் போன்ற பொருட்களின் விலை உயர்ந்துள்ளதால் பணவீக்கம், கடந்த வாரத்தை விட 0.19 சதவீதம் உயர்ந்திருக்கிறது. இது கடந்த வருடத்தில் இதே காலகட்டத்தில் 4.24 சதவீதமாகத்தான் இருந்திருக்கிறது. ஆகஸ்ட 9ம் தேதியுடன் முடிந்த வாரத்தில் காட்டன் யார்ன் விலை 8 சதவீதம் உயர்ந்திருக்கிறது. பாலியஸ்டர் விலை 7 சதவீதம் உயர்ந்திருக்கிறது.உணவுப்பொருட்கள் விஷயத்தில் டீ விலை 2 சதவீதம், பால் விலை ஒரு சதவீதம்,பருப்பு விலை ஒரு சதவீதம் உயர்ந்திருக்கிறது. அதே நேரம் இறக்குமதி செய்யப்படும் சமையல் எண்ணெய் விலை 6 சதவீதம், சூரியகாந்தி எண்ணெய் விலை 2 சதவீதம் குறைந்திருந்தது. இது தவிர முட்டை, கடல் உணவு மற்றும் இறைச்சி விலையும் குறைந்திருந்தது.

நன்றி : தினமலர்