Monday, August 25, 2008

கச்சா எண்ணெய் விலை 114 டாலராக குறைந்தது

சர்வதேச சந்தையில் குறைந்து வரும் கச்சா எண்ணெய் விலை இன்று திங்கட்கிழமை 114 டாலருக்கு வந்து விட்டது. அமெரிக்க டாலரின் மதிப்பு உயர்ந்திருப்பதாலும் உலக அளவில் பொருளாதாரத்தில் சரிவு ஏற்படும் என்ற அச்சம் இருப்பதாலும் கச்சா எண்ணெய் விலை குறைந்ததாக சொல்கிறார்கள். அமெரிக்காவின் லைட் ஸ்வீட் குரூட் ஆயில் ( அக்டோபர் டெலிவரிக்கானது ) விலை பேரலுக்கு 14 சென்ட் குறைந்து 114.45 டாலராக இருக்கிறது. அதேபோல் லண்டனின் நார்த்ஸீ குரூட் ஆயில் விலை பேரலுக்கு 26 சென்ட் குறைந்து 113.66 டாலராக இருக்கிறது. அமெரிக்க பொருளாதாரத்தில் தொடர்ந்து தேக்க நிலை காணப்படுவதாலும், அங்கு எண்ணெய்க்கான டிமாண்ட் குறைந்து வருவதாலும், இந்த நிலை ஐரோப்பாவிலும் நீடிக்கும் என்ற எதிர்பார்ப்பு இருப்பதாலும் கச்சா எண்ணெய் விலை குறைவதாக சொல்கிறார்கள். டாலரின் மதிப்பு கூடினாலும் கச்சா எண்ணெய் விலை குறைந்து விடும்.
நன்றி : தினமலர்


No comments: