ஐடி துறையின் வீழ்ச்சிக் காலம் விரைவில் முடியும் : டாடா கன்சல்டன்சி நிதி அதிகாரி அறிவிப்பு

ஐடி துறையில் பெரிய வீழ்ச்சிக் காலம் இருக்காது என்று டாடா கன்ஸல்டன்ஸி நிறுவனம் அறிவித்துள்ளது. டிசிஎஸ் சமீபத்தில் தேர்வு செய்த 24,000 பேருக்கும் வேலை தரப்படும் என உறுதியளித்தார். இந்த நிறுவனத்தின் தலைமை நிதி அதிகாரி மகாலிங்கம் இதுபற்றிக் கூறுகையில், ஐ.டி., துறை வேகமான மீட்பு பாதைக்கு திரும்பிக் கொண்டிருக்கிறது என்றார். 20 சதவீத வளர்ச்சியை இந்தத் துறை எட்டும் என்று எதிர்பார்க்கலாம்.இந்த ஆண்டு 46.3 பில்லியன் அளவுக்கு ஐடி துறை வருவாய் ஈட்டியுள்ளது. அடுத்த காலாண்டில் இது 3 முதல் 4 சதவிகித அளவு உயரும் வாய்ப்புள்ளதாக நாஸ்காம் கூறியுள்ளதை கவனிக்க வேண்டும். சமீபத்தில் 24,000 பேரை பணிகளுக்காக தேர்வு செய்துள்ளோம். இவர்கள் அனைவருக்கும் நிச்சயம் வேலை தரப்படும் என்றார். இவர்களில் ஒரு பகுதியினருக்கு ஏற்கெனவே பணி ஆணைகள் வழங்கப்பட்டு விட்டனவாம். விரைவில் இரு தவணையாக மற்றவர்களுக்கும் பணி ஆணைகள் வழங்கப்பட்டு விடுமாம்.

நன்றி : தினமலர்