இந்த நிதி ஆண்டின் முதல் காலாண்டில், இந்தியாவின் மூன்றாவது மிகப்பெரிய சாப்ட்வேர் ஏற்றுமதி நிறுவனமான விப்ரோ ரூ.1,015.5 கோடியை நிகர லாபமாக பெற்றிருக்கிறது. கடந்த வருடம் இதே காலாண்டில் அந்த நிறுவனம் பெற்ற நிகர லாபத்தை விட இது 12.8 சதவீதம் அதிகம். எதிர்பார்த்ததை விட அதிகம் லாபத்தை அது பெற்றிருக்கிறது. புதிய சந்தையை பிடித்தது மற்றும் செலவை குறைக்கும் நடவடிக்கைகளில் ஈடுபட்டது போன்ற காரணங்களால் எதிர்பாராத்த அளவை விட கூடுதலாக அதனால் லாபம் பெற முடிந்தது என்கிறார்கள் நிபுணர்கள். சிஸ்டம் இன்டகரேஷன், சாப்ட்வேர் அப்ளிகேஷன் டெவலப்மென்ட், மற்றும் பேக் ஆபீஸ் வேலைகளை செய்து கொடுக்கும் விப்ரோ, சர்வதேச அக்கவுன்டிங் விதிப்படி, இந்த காலாண்டில் 10.10 பில்லியன் ரூபாயை நிகர லாபமாக பெற்றிருக் கிறது. இது கடந்த நிதி ஆண்டின் முதல் காலாண்டில் 8.95 பில்லியன் ரூபாயாகத்தான் இருந்தது. இந்திய அக்கவுன்டிங் விதிப்படி பார்த்தால், இந்த காலாண்டின் மொத்த நிகர லாபம் 10.16 பில்லியன் ரூபாயாக இருக்கிறது. நியுயார்க் சந்தையில் லிஸ்ட் செய்யப்பட்டிருக்கும் விப்ரோவுக்கு சிட்டி பேங்க், சிஸ்கோ, ஜெனரல் மோட்டார்ஸ், நோக்கியா சீமன்ஸ் நெட்வொர்க்ஸ் மற்றும் கிரிடிட் சுசி போன்ற பிரபல நிறுவனங்கள் வாடிக்கையாளர் களாக இருக்கிறார்கள். சர்வதேச அளவில் ஏற்பட்டிருக்கும் பொருளாதார மந்த நிலை காரணமாக கடந்த ஒரு வருட காலமாக ஐ.டி. நிறுவனங்கள் கடும் சிக்கலில் இருந்து வந்து கொண்டிருக்கும் நிலையிலும் கூட, விப்ரோ எதிர்பாத்ததை விட அதிக நிகர லாபத்தை பெற்று இருக்கிறது.நன்றி : தினமலர்
No comments:
Post a Comment