Tuesday, February 17, 2009

கச்சா எண்ணெய் விலை மேலும் குறைந்தது

சர்வதேச அளவில் நிலவி வரும் பொருளாதார மந்த நிலை காரணமாக பெட்ரோலிய பொருட்களுக்கான தேவை குறைந்து வருவதால், இன்று ஆசிய சந்தையில் கச்சா எண்ணெய்யின் விலை பேரலுக்கு 37 டாலருக்கும் கீழே சென்று விட்டது. இன்று நியுயார்க் மெர்க்கன்டைல் எக்ஸ்சேஞ்சில் யு.எஸ்.லைட் ஸ்வீட் குரூட் ஆயில் விலை 76 சென்ட் குறைந்து 36.75 டாலராக இருக்கிறது. கடந்த வருடம் ஜூலை மாதம் பேரலுக்கு 147.27 டாலர் வரை சென்ற கச்சா எண்ணெய் விலை இப்போது, அதிலிருந்து 75 சதவீதம் வரை குறைந்து விட்டது. அமெரிக்க பொருளாதாரம் கடும் சரிவில் இருப்பதால் அங்கு அதிகமான பேர் தினமும் வேலையை இழந்து வருகிறார்கள். எனவே அங்கு மக்களின் வாங்கும் சக்தி பெருமளவில் குறைந்து விட்டது. உலகின் இரண்டாவது மிகப்பெரிய பொருளாதார நாடான ஜப்பானிலும் இப்போது நிலைமை மோசமாக இருக்கிறது. எனவே அங்கும் பெட்ரோலிய பொருட்களுக்கான தேவை குறைந்து விட்டது. இதன் காரணமாக சர்வதேச சந்தையில் கச்சா எண்ணெய் விலை இப்போது குறைந்து வருகிறது.
நன்றி : தினமலர்

நன்றி : தினமலர்

No comments: