பஜாஜ் அறிமுகப்படுத்திய 220 சிசி பல்சர்

பஜாஜ் ஆட்டோ நிறுவனம், அதன் புதிய 220 சிசி பல்சர் மாடல் பைக்கை நேற்று டில்லியில் அறிமுகம் செய்தது. 21.4 பிஎஸ் பவருடன் வெளிவரும் இந்த புதிய பைக்கின் விலை ரூ.70,000. இதன் அறிமுக விழாவில் பேசிய பஜாஜ் ஆட்டோவின் சி.இ.ஓ.,( இரு சக்கர வாகனம் ) ஸ்ரீதர், நாங்கள் அதிக மைலேஜ் கொடுக்க கூடிய இஞ்சின்களை உருவாக்கிக்கொண்டிருக்கிறோம். அவைகளை கொண்டு இந்த வருடத்திற்குள் மேலும் இரண்டு பைக்குகளை அறிமுகப்படுத்த திட்டமிட்டிருக்கிறோம் என்றார். மேலும் பல்சர் பிரியர்களுக்காக, அதில் பல புதிய தொழில்நுட்பங்களை புகுத்தி அதன் மேம்படுத்தப்பட்ட மாடல்களை வெளியிடவும் திட்டமிட்டிருக்கிறோம் என்றார். இப்போது வெளியிட்டிருக்கும் பல்சர் 220 சிசி பைக் தான் இப்போதைக்கு இந்தியாவில் அதிக வேகமாக போகக் கூடிய பைக்காக இருக்கும் என்று சொன்ன அவர், உலகிலேயே அதிக மைலேஜ் கொடுக்க கூடிய டிடிஎஸ் -எஸ்ஐ 2.0 பைக்கை அடுத்த மாதம் வெளியிட இருக்கிறோம் என்றார். பஜாஜ் ஆட்டோவின் மேலாண் இயக்குனர் ராஜிவ் பஜாஜ் இது பற்றி பேசுகையில், நாங்கள் வருடத்திற்கு 2.50 லட்சம் பைக்குகளை விற்க திட்டமிட்டிருக்கிறோம் என்றார்.

நன்றி : தினமலர்