ஆசிய சந்தையில் கச்சா எண்ணெய் விலை சிறிது குறைந்தது

ஆசிய சந்தையில் கச்சா எண்ணெய் விலை சிறிது குறைந்திருக்கிறது. இன்று காலை வர்த்தகத்தில், லைட் ஸ்வீட் குரூட் ஆயில் ( ஆகஸ்ட் டெலிவரிக்கானது ) விலை பேரல் ஒன்றுக்கு 57 சென்ட் குறைந்து 130.47 டாலராக இருந்தது. பிரன்ட் நார்த் ஸீ குரூட் ஆயில் ( செப்டம்பர் டெலிவரிக்கானது ) விலை பேரல் ஒன்றுக்கு 56 சென்ட் குறைந்து 132.05 டாலராக இருந்தது. மெக்ஸிகோ வளைகுடா பகுதியில் இருக்கும் ஆயில் கிணறு பகுதியை டோல்பி என்ற சூறாவளி லேசாக தாக்கும் என்று எதிர்பார்க்கப்படுவதால் அங்கு வேலையில் இருக்கும் பல தொழிலாளர்கள் வெளியேற்றப்பட்டுள்ளனர். எக்ஸான் மொபில் கார்பரேஷன், செவ்ரான் கார்பரேஷன், ராயல் டச் ஷெல் போன்ற எண்ணெய் நிறுவனங்கள் அவர்களது தொழிலாளர்கள் பலரை அங்கிருந்து வெளியேற்றி இருக்கிறது. இருந்தாலும் இதனால் எண்ணெய் உற்பத்தி பாதிக்கப்படாது என்று சொல்லப்படுகிறது.

நன்றி : தினமலர்