பிப்ரவரியிலும் ஏற்றுமதி, இறக்குமதி குறைந்திருக்கிறது

பிப்ரவரி மாதத்திலும் ஏற்றுமதி மற்றும் இறக்குமதி குறைந்திருப்பது தெரிய வந்திருக்கிறது. இந்தியாவின் ஏற்றுமதி, கடந்த ஐந்து மாதங்களாக தொடர்ந்து குறைந்து வந்திருக்கிறது. பிப்ரவரியிலும் அது, 13.7 சதவீதம் குறைந்திருக்கிறது. அதே போல இறக்குமதியும் 18.2 சதவீதம் குறைந்திருக்கிறது.ஜனவரி மாதத்தில்தான் முதல் முறையாக ஏற்றுமதியும் இறக்குமதியும் ஒரே நேரத்தில் குறைந்திருந்தன. அதனை தொடர்ந்து பிப்ரவரி மாதத்திலும் ஏற்றுமதி 13.7 சதவீதமும், இறக்குமதி 18.2 சதவீதமும் குறைந்திருப்பதாக வர்த்தக அமைச்சக தகவல்கள் தெரிவிக்கின்றன. பிப்ரவரி மாதத்தில் ஏற்றுமதி 13.04 பில்லியன் டாலருக்கு நடந்திருக்கிறது என்றும், இறக்குமதி 17.02 பில்லியன் டாலருக்கு நடந்திருக்கிறது என்றும் தகவல்கள் தெரிவிக்கின்றன. இதுவே 2008 பிப்ரவரியில், ஏற்றுமதி 43.6 சதவீதமும், இறக்குமதி 47 சதவீதமும் உயர்ந்திருந்தது. இதற்கு முன் கடந்த 2001 ஜூலையில் இருந்து டிசம்பர் வரை தொடர்ந்து ஆறு மாதங்கள் ஏற்றுமதி குறைந்திருந்தது.

நன்றி : தினமலர்