Thursday, September 4, 2008

கச்சா எண்ணெய் விலை பேரலுக்கு 110 டாலரை விடவும் குறைவு

சில வாரங்களுக்கு முன்பு வரை ஏறிக்கொண்டே இருந்த கச்சா எண்ணெய் விலை இப்போது குறைந்து கொண்டே இருக்கிறது. சில தினங்களுக்கு முன் அமெரிக்காவின் மெக்ஸிகோ வளைகுடா பகுதியில் குஸ்டாவ் என்ற புயல் தாக்கும் அச்சம் இருந்ததால் அப்போது கச்சா எண்ணெய் விலை உயர்ந்தது. இப்போது அந்த புயலும் அங்கிருந்து நகர்ந்து விட்டதால் விலை குறைய ஆரம்பித்து விட்டது. நேற்று நியுயார்க் சந்தையில் யு.எஸ்.லைட் ஸ்வீட் குரூட் ஆயில் விலை 110 டாலரை விடவும் குறைந்து, பேரலுக்கு 109.35 டாலராக இருந்தது. லண்டனின் பிரன்ட் நார்த்ஸீ குரூட் ஆயில் விலை பேரலுக்கு 108.06 டாலராக இருந்தது. வரலாற்றில் முன் எப்போதும் இல்லாதவாறு 147 டாலருக்கும் மேல் உயர்ந்திருந்த கச்சா எண்ணெய் விலை, இப்போது 110 டாலறை விடவும் குறைந்து விட்டது.உலக அளவில் பொருளாதாரத்தில் ஏற்பட்டுள்ள தேக்க நிலையால் பெட்ரோலிய பொருட்களுக்கான தேவை ( டிமாண்ட் ) குறைந்துள்ளதும் கச்சா எண்ணெய் விலை குறைந்ததற்கு ஒரு காரணம் என்கிறார்கள்.
நன்றி : தினமலர்


No comments: