பிரன்ட் குரூட் ஆயில் விலை 100 டாலருக்கும் கீழே போனது

அமெரிக்காவில் அதிகம் எண்ணெய் கிணறுகள் இருக்கும் பகுதியான மெக்ஸிகோ வளைகுடாவை, ஐக் என்ற சூறாவளி தாக்கும் அபாயம் இருந்த போதிலும் லண்டணின் ஐ.சி.இ., பியூச்சர் யூரோப் எக்ஸ்சேஞ்சில் பிரன்ட் நார்த் ஸீ குரூட் ஆயில் விலை பேரலுக்கு 100 டாலருக்கும் கீழே சென்றிருக்கிறது. நேற்று வியாழக்கிழமை பிரன்ட் குரூட் ஆயில் விலை 1.17 டாலர் ( அல்லது 1.2 சதவீதம் ) குறைந்து 97.80 டாலராக இருந்தது. கடந்த மார்ச் 5 ம் தேதிக்குப்பின் இப்போதுதான் இவ்வளவு விலை குறைந்திருக்கிறது. இதே பிரன்ட் குரூட் ஆயில் விலை நியுயார்க் மெர்க்கன்டைல் சந்தையில் 1.73 டாலர் குறைந்து 100.85 டாலராக இருந்தது.

நன்றி : தினமலர்